દરોડા પડ્યા તો સાંસદના અંડરવિયરમાંથી નીકળવા લાગી હજારોની નોટ

47

બ્રાઝીલમાં કોરોના વાયરસના વધતા કેસની વચ્ચે ભ્રષ્ટાચારના કેસ એ પણ તૂલ પકડયું છે.આ બધાની વચ્ચે એન્ટી કરપ્શન યુનિટ (Anti-Corruption Unit) ના એક દરોડામાં રાષ્ટ્રપતિ જેયર બોલસનારોની પાર્ટીના એક સાંસદ પોતાના અંડરવિયરમાં રૂપિયા છુપાવતા પકડાયા.કેન્દ્રીય અધિકારીઓએ કહ્યું કે તપાસ દરમ્યાન સાંસદ ચિકો રોડ્રિગ્સ (Chico Rodrigues) ના અંડરવિયરમાંથી 3 લાખ 88 હજાર રૂપિયા જપ્ત કરાયા છે.

કોરોના ફંડમાં ગડબડીનો આરોપ

એજન્સીએ કહ્યું કે તેને સત્તાધારી પાર્ટીના સેનેટરના ભ્રષ્ટાચાર સાથે જોડાયેલી માહિતી મળી હતી.ત્યારબાદ ઉત્તર બ્રાઝીલમાં આવેલ રોરિમા રાજ્યમાં ચિકો રોડ્રિગ્સના ઘરે બુધવારના રોજ દરોડા પાડ્યા.તેના પર આરોપ હતો કે તેઓ રોરિમા રાજ્યમાં કોરોના વાયરસના પ્રકોપને ઉકેલવા માટે આપવામાં આવેલા ફંડામાં હેરાફેરી કરી રહ્યા હતા.

સેનેટરે નિવેદન રજૂ કરી આપી સ્પષ્ટતા

આ બધાની વચ્ચે સેનેટર ચિકો રોડ્રિગ્સે પણ નિવેદન રજૂ કરીને આ દરોડાની માહિતી આપી છે.તેમણે કહ્યું કે પોલીસે એક કેસના સિલસિલામાં તેમના ઘરની તપાસ કરી છે.જો કે તેમણે જપ્ત કરાયેલ રોકડનો કોઇ ઉલ્લેખ કર્યો નથી.

સેનેટર બોલ્યા- બદનામ કરવાનું ષડયંત્ર

તેમણે ફરિયાદ કરી છે કે ધારાસભ્ય તરીકે કામ કરવા માટે તેમના ઘરની શોધ કરવામાં આવી છે.રોડ્રિગ્સે ભારપૂર્વક કહ્યું કે તેમણે કંઇ જ ખોટું કર્યું નથી.સેનેટરે આરોપ લગાવ્યો કે આ બધું તેમને બદનામ કરવા માટે કરાયું છે.

મીડિયા પર ભડક્યા રાષ્ટ્રપતિ બોલસનારો

તો રાષ્ટ્રપતિ જેયર બોલસનારો એ આખી ઘટનાનું ઠીકરું મીડિયાના માથે ફોડ્યું છે.તેમણે મીડિયા પર પોતાની સરકારને ભ્રષ્ટ બતાવા માટે નકલી વાર્તાનો ઉપયોગ કરવાનો આરોપ મૂકયો.તેમણે કહ્યું કે આ ઓપરેશન એક ઉદાહરણ છે કે મારી સરકારમાં કોઇ ભ્રષ્ટાચાર નથી.અમે ભ્રષ્ટાચાર સામે બરાબરની લડત આપી રહ્યા છીએ પછી કોઇપણ કેમ ના હોય.

બોલસનારોના દીકરા પર પણ આરોપ

2018ની સાલમાં બોલસનારોને સત્તા ભ્રષ્ટાચારની વિરૂદ્ધ અવાજ બુલંદ કરવાને લઇને જ મળી હતી.પરંતુ જ્યારથી તેઓએ બ્રાઝીલની કમાન સંભાળી છે ત્યારથી તેમની સરકાર પર ભ્રષ્ટાચારના કેટલાંય આરોપ લાગી ચૂકયા છે.તેમના દીકરા ફ્લેવિયો પર પણ આવો જ આરોપ લાગ્યો છે.બોલસોનારોના દીકરા પર રિયો ડી જનેરિયોના ધારાસભ્ય તરીકે પોતાના સમય દરમ્યાન જાહેર નાણાંની ઉચાપત કરવાનો આરોપ લાગ્યો છે.

Share Now

LEAVE A REPLY

Please enter your comment!
Please enter your name here