ફૂટબોલના સર્વશ્રેષ્ઠ પ્લેયરમાં ગણના પામનાર મેસ્સીએ તેની કારકિર્દી દરમિયાન અનેક સિદ્ધિ મેળવી છે અને છેલ્લા 1 મહિનાથી તે સતત ચર્ચા છે. 22 વર્ષ સુધી બાર્સેલોના સાથે જોડાયેલ આ ખેલાડીનો નવો કોન્ટ્રાકટ રીન્યુ કરવાના સમયે ફાઈનાન્શિયલ ટર્મ સેટ ન થતા,આ કોન્ટ્રાકટ આગળ વધી ઢાંક્યો નહિ અને મેસ્સીને દુઃખ સાથે બાર્સેલોનાને અલવિદા કહેવું પડ્યું હતું અને લગભગ 3 દિવસમાં જ તેણે પેરિસ સેન્ટ-જર્મન એફ.સી ( PSG ) ટીમ જોઈન કરી લીધી હતી અને તેમની સાથે પ્રેક્ટીસમાં જોડાયો હતો.
મેસ્સીએ યુઝ કરેલ ટીસ્યુની કિંમત 1 મિલિયન ડોલર
બાર્સેલોના છોડવાના નિર્ણયને પગલે, મેસ્સીએ પ્રેસ કોન્ફ્રન્સ યોજી હતી અને બાર્સેલોના સાથે 22 વર્ષની કારકિર્દીને યાદ કરતા, તેણે તેના સુખદ અનુભવ શેર કર્યા હતા અને આખરે તે પડી ભાંગ્યો હતો અને રોઈ પડ્યો હતો.આ બાદ પ્રેસ કોન્ફરન્સમાં હાજર તેની પત્નીએ ઊભા થઈને મેસ્સીને ટીસ્યુ પેપર આપ્યું હતું અને મેસ્સીએ તેનાથી પોતાના આંસુ લૂછ્યાં હતા.હવે, મેસ્સીએ વાપરેલ આ ટીસ્યુ વેચાવા મૂકાયો છે.
મેસ્સીએ વાપરેલા આ ટીસ્યુની કિંમત 1 મિલિયન ડોલર રાખવામાં આવી છે અને ટૂંક સમયમાં જ તેનું ઓક્શન થશે એ નક્કી છે.મેસ્સીની પેરિસ બેઝડ કલબ PSG એ મેસ્સીના નામની ટીશર્ટ વેચીને થોડા દિવસમાં જ $ 100,000,000 ની કામની કરી લીધી છે. આ ટીશર્ટની વિવિધ પેટર્નની કિંમત € 115 થી € 165 ની વચ્ચે રાખવામાં આવી હતી.
