પલસાણા : પલસાણા પોલીસે બાતમી આધારે નવસારી તરફથી આવતી એક ઇકો કારને અટકાવી તપાસ કરતા સીટ નીચે બનાવેલા ચોર ખાના માંથી મોટી માત્રામાં વિદેશી દારૂની બોટલો મળી આવી હતી.
મળતી માહિતી અનુસાર સોમવારના રોજ પલસાણા પોલીસ પી.આઇ.એ.ડી.ચાવડા તેમજ પો.કો.મહિપાલસિંહ દિપકસિંહ નાઓને સયુંકત રાહે બાતમી મળી હતી કે એક ઇકો કારમાં ચોર ખાનું બનાવી મોટી સંખ્યામાં વિદેશી દારૂ લઈ જવાઇ રહ્યો છે.જે બાતમી આધારે પોલીસની એક ટીમે પલસાણાના મિઢોળા નદી નજીક માખીગાં ગામે આવેલ હાઇવેને ચેક પોસ્ટ પર વોચ ગોઠવી નવસારી તરફથી આવતી ઇકો કાર નંબર GJ 21 BC 0729 ને અટકાવી તપાસ કરતા કારમાં સીટ નીચે બનાવેલા ચોર ખાના માંથી વિદેશી દારૂની જુદી જુદી બ્રાન્ડની 183 નંગ બોટલ મળી આવી હતી પોલીસે 34,800/- ની કિંમતની વિદેશી દારૂ તેમજ ગુનામાં વપરાયેલી 2 લાખની કિંમતની કારને કબ્જે કરી કાર ચાલક જોગસિંગ શંભુસિંગ રાજપૂત (રહે.જોળવા ગાર્ડન સીટી સોસાયટી તા.પલસાણા મૂળ ,બાડમેર રાજસ્થાનની અટક્યાત કરી વાપીના દિનેશ નામના વ્યક્તિ સહિત બે ઇસમોને વોન્ટેડ જાહેર કરી વધુ તપાસ હાથ ધરી છે.