– કેવડિયા ખાતે મળેલી ખાંડ ઉદ્યોગ સંઘની સાધારણ સભામાં એવોર્ડ આપવામાં આવ્યો
બારડોલી : ગુજરાતી રાજ્ય ખાંડ ઉદ્યોગ સંઘ ગાંધીનગર દ્વારા નર્મદા જિલ્લાના કેવડિયા ખાતે સંઘની વર્ષ 2021 થી 2022 વાર્ષિક સાધરણ સભાનું આયોજન કરવામાં આવ્યું હતુ.જે સભામાં ગુજરાતના લગભગ તમામ સુગર ફેકટરીના સત્તાધીશો ઉપસ્થિત રહ્યા હતા.આગામી વર્ષે “બેસ્ટ ટેક્નિકલ એફિસીયન્સી સ્વ.શ્રી પ્રમોદભાઈ કનૈયાલાલ દેસાઈ ” પ્રથમ એવોર્ડ સભામાં ઉપસ્થિત સાંસદ મનસુખ વસાવા તેમજ પૂર્વ સહકાર મંત્રી તેમજ ખાંડ ઉદ્યોગ સંઘના પ્રમુખ ઈશ્વરસિંહ પટેલનાં હસ્તે ચલથાણ સુગર ફેકરીરના પ્રમુખ કેતનભાઈ સી.પટેલ ને એનાયત કરવામાં આવ્યો હતો.વધુમાં સંસ્થાના પ્રમુખે જણાવ્યું હતુ કે આ એવોર્ડને શ્રેય સંસ્થાના વ્યવસ્થાપક કમિટીના સભ્યો તેમજ મેનેજિંગ ડિરેકટરની ટીમેના મહેનતને કારણે છે.સંસ્થાની સિદ્ધિ બદલ સંસ્થાના સભાસદો,અધિકારીઓ અને કામદાર કર્મચારીઓની ટીમમાં ખુશીનો માહોલ છવાયો હતો.
