ઓલપાડના ઉમરા ગામે બુટલેગર દારૂ સગેવગે કરી રહ્યા હતા ત્યારે ફિલ્મી ઢબે પોલીસે એન્ટ્રી મારી

– પોલીસે બે કાર અને વિદેશી દારૂ મળી કુલ 9,02,400/– નો મુદ્દામાલ કબ્જે કર્યો

બારડોલી : જિલ્લા LCBની ટીમે ઓલપાડના ઉમરા ગામે રેડ કરી બે કાર તેમજ 1.52 લાખથી વધુના વિદેશી દારૂના જથ્થો ઝડપી પાડ્યો હતો પોલીસે ગુના સંદભે 9,02,400/- નો મુદ્દામાલ કબ્જે કરી ગુનાના સંડોવાયેલા 3 ભાઈઓ સહિત 5 ઇસમોને વોન્ટેડ જાહેર કર્યા હતા.

મળતી માહિતી અનુસાર સુરત જિલ્લા એલ.સી.બી.શાખાના પોલીસ માણસો અલગ અલગ ટીમો બનાવી સુરત ગ્રામ્ય જિલ્લા વિસ્તારમાં પેટ્રોલીંગમા હતા તે દરમ્યાન એલ.સી.બી શાખા હે.કો યોગેશ શ્રવણભાઈ તથા હે.કો.હરસુરભાઇ નાનજીભાઇનાઓને સંયુક્ત રાહે બાતમી મળી હતી કે, મોટા વરાછા ખાતે રહેતો માંગીલાલ મારવાડી તથા ઘલુડી ખાતે રહેતો રઘુ ભકાભાઇ સભાડ નાનો તેમના સાગરીતો સાથે મળી ઉમરા ગામની સીમમાં કઠોરથી ગોથાણ તરફ જતી નહેરની બાજુમાં આવેલ શેરડીના ખેતરોના કાચા રસ્તા ઉપર વિદેશી દારૂનો જથ્થો ઉતારેલ છે અને અલગ અલગ વાહનોમાં ભરી સંગેવગે કરવાની પેરવીમાં છે.જે બાતમી આધારે પોલસીની એક ટીમે સ્થળ ઉપર રેડ કરતા અંધારાનો લાભ લઇ આરોપીઓ ભાગી છૂટ્યા હતા.પોલીસે સ્થળ પરથી હોંડા સીટી કાર GJ 05 JF 9252 તેમજ મારુતિ રિટ્સ GJ 15 AD 7496માં ભરેલી વિદેશીદારૂની 1248 બોટલ કબ્જે કરી હતી.પોલીસે ઘટના સ્થળેથી 1,52,400/- નો વિદેશી દારૂ તેમજ 7.5 લાખની કિંમતની બે કાર મળી કુલ 9,02,400/-નો મુદ્દામાલ કબ્જે કર્યો હતો.પોલીસે ગુના સંદર્ભે માંગીલાલ મારવાડી,રઘુભાઈ ભકાભાઈ સભાડ,વિનોદભાઈ ભકાભાઈ સભાડ,ભાવેશભાઈ ભકાભાઈ સભાડ સહિત 5 ઇસમોને વોન્ટેડ જાહેર કર્યા હતા.