– પોલીસે વિદેશી દારૂ તમેજ ટેમ્પો મળી કૂલ 26.88 લાખનો મુદ્દામાલ કબ્જે કરી બે ની અટક્યાત કરી
બારડોલી : સુરત જિલ્લા ક્રાઇમ બ્રાન્ચની ટીમે માંડવી તાલુકાના અંતરિયાળ રસ્તા પરથી બાતમી આધારે એક ટેમ્પો ઝડપી પાડી તેમાંથી 11.80 લાખનો વિદેશી દારૂ ઝડપી ડ્રાઇવર ક્લીનરની અટક્યાત કરી હતી.
મળતી માહિતી અનુસાર સુરત જિલ્લા એલ.સી.બી.શાખાના પોલીસ અધિકારી તેમજ જિલ્લા LCB ના પી.આઇ. બી.ડી.શાહ તેમજ પી.એસ.આઇ. એલ.જી.રાઠોડ સહિતની અલગ ટીમો સુરત ગ્રામ્ય જિલ્લા વિસ્તારમાં પેટ્રોલીંગમા હતા.તે દરમ્યાન ખાનગી રાહે બાતમી મળી હતી કે, એક અશોક લેલન ન.MH-15-JC-7291 નો ચાલક તથા ક્લીનર બન્ને જણા પોતાના કબ્જાની લેલન ગાડીમાં ચોર ખાનુ બનાવી વિદેશીદારૂનો જથ્થો ભરી ઉકાઈથી ફેદરીયા ચાર રસ્તા થઈ નેત્રંગ તરફ જનાર છે.જે ચોક્કસ બાતમી આધારે ફેદરીયા ચાર રસ્તાની આજુબાજુમાં વોચ ગોઠવી ટ્રક MH 15 JC 7291 પસાર થતા ટ્રકની આડે આડાસ ઉભી કરી અટકાવી ટ્રક માંથી ચોર ખાનામાંથી વિવિધ બ્રાન્ડની 9504 નંગ વિદેશી દારૂની બોટલ કબ્જે કરી ડ્રાઈવર દેવરાજ ખુમારામ મેઘવાલ (24)તેમજ ક્લીનર પિન્ટુ ભુડારામ મેઘવાલ ( 23) બને રહે.સાવંતવાડી ગોવા મૂળ જી.પાલી રાજસ્થાન)ની અટક્યાત કરી ગુના સંદભે ત્રણ આરોપીને વોન્ટેડ જાહેર કરવામાં આવ્યા હતા.પોલીસે ટેમ્પો તેમજ દારૂ મળી કુલ 26,88,260/- નો મુદ્દામાલ કબ્જે લીધો હતો.
