મુંબઈ,તા. 25, જાન્યુઆરી, બુધવાર : અનિકેત શાસ્ત્રી દેશપાંડેએ કહ્યું છે કે, જો મુસ્લિમ સમુદાયના લોકો નમાજ પઢવા માટે આંતરરાષ્ટ્રીય એરપોર્ટ પર પ્રાર્થના ખંડ બનાવી શકાય છે.તો હિન્દુ ધર્મના લોકો માટે પણ મંદિર હોવું જોઈએ.
અનિકેત શાસ્ત્રી દેશપાંડે
પીઠાધીશ્વર અંજનેરી નાસિક અનિકેત શાસ્ત્રી દેશપાંડેએ મુખ્યમંત્રી એકનાથ શિંદેને પત્ર લખ્યો છે.પત્રમાં તેમણે છત્રપતિ શિવાજી મહારાજ ઈન્ટરનેશનલ એરપોર્ટ પરિસરમાં મંદિર બનાવવાની માંગ કરી છે.અનિકેત શાસ્ત્રી દેશપાંડેનું કહેવું છે કે, એરપોર્ટ પરિસરમાં હિન્દુઓ માટે પ્રાર્થના કરવાની જગ્યા હોવી જોઈએ.તેમણે પત્રમાં જણાવ્યું છે કે, જ્યારે મુસ્લિમ સમુદાયના લોકો નમાજ પઢવા માટે છત્રપતિ શિવાજી મહારાજ ઈન્ટરનેશનલ એરપોર્ટ પર પ્રાર્થના ખંડ બનાવી શકાય છે તો સરકારે હિંદુ ધર્મના લોકો માટે એરપોર્ટ પર નમાજ પઢવાની વ્યવસ્થા કરવી જોઈએ.તેમજ અનિકેત શાસ્ત્રીએ ખ્રિસ્તીઓ માટે ચર્ચ બનાવવાની પણ માંગ કરી છે.
ધીરેન્દ્ર શાસ્ત્રીના સમર્થનમાં અનિકેત શાસ્ત્રી
એક દિવસ પહેલા જ અનિકેત શાસ્ત્રી દેશપાંડેએ પણ બાગેશ્વર ધામ સરકારના ધીરેન્દ્ર શાસ્ત્રીના સમર્થનમાં નિવેદન આપ્યું હતું.ધીરેન્દ્ર શાસ્ત્રીને ટેકો આપતા અનિકેત શાસ્ત્રી દેશપાંડેએ મુસ્લિમ ધર્મગુરુને પડકાર ફેંક્યો છે કે તેઓ લોકોના રોગોની સારવાર કરીને ઉપચાર કરે.
51 લાખનું ઈનામ આપશે
અનિકેત શાસ્ત્રી દેશપાંડેએ કહ્યું કે, જો બિન-હિન્દુ ધર્મનો વ્યક્તિ આવો ચમત્કાર સાબિત કરી શકે તો તેને મહર્ષિ સ્પિરિચ્યુઅલ ફાઉન્ડેશન અને સર્વ સંત સમાજ દ્વારા 51 લાખ રૂપિયાનું ઈનામ આપવામાં આવશે.જણાવી દઈએ કે ધીરેન્દ્ર શાસ્ત્રી પર અંધશ્રદ્ધા ફેલાવવાનો આરોપ છે.નાગપુરની અંધશ્રદ્ધા ઉન્મૂલન સમિતિએ પણ ધીરેન્દ્ર શાસ્ત્રી વિરુદ્ધ પોલીસ કેસ દાખલ કર્યો છે.
