નેતાઓ રાજકારણમાં આવી ગુલ ખિલાવતા હોય છે અને સરકારી ગેસ્ટ હાઉસ અને સર્કિટ હાઉસમાં છોકરીઓ લાવી શુ કાંડ કરતા હોય છે તે વાત લોકો વચ્ચે જાહેર કરવા આમ આદમી પાર્ટીના એક કાર્યકર આગળ આવ્યા છે જેઓ એક ભાજપના નેતા કે જેઓ સરકારી સર્કિટ હાઉસ ની રૂમ માં છોકરી બોલાવી કેવા ગુલ ખેલે છે તે જાહેર કરનાર છે.
ગુજરાતમાં આમ આદમી પાર્ટીના એક કાર્યકર દ્વારા દેશ ના સ્વાતંત્ર્ય દિન એવા તા.15 ઓગસ્ટ ના રોજ ભાજપના વરિષ્ઠ નેતાનો સેક્સ વીડિયો જાહેર કરવામાં આવનાર છે, 4 મિનિટનો વીડિયો ઉત્તર ગુજરાતના મોટા નેતાનો હોવાનો દાવો કરવામાં આવી રહ્યો છે.
વિગતો મુજબ થરાદના આમ આદમી પાર્ટીના કાર્યકર્તા મઘા પટેલ દ્વારા જાહેરાત કરવામાં આવી છે કે તેઓ ભાજપના ઉત્તર ગુજરાતના એક મોટા નેતાની સેક્સ વીડિયો વાઇરલ કરનાર છે જેમાં નેતાની અસલીયત નો પર્દાફાશ કરવામાં આવશે તેમ તેઓ જણાવી રહયા છે.મઘા પટેલે સોશિયલ મીડિયાના માધ્યમથી જાહેર કર્યું છે કે 15 ઓગસ્ટે 12-39ના વિજય મુહૂર્ત સમયે તે આ વીડિયો જાહેર કરશે.આ વીડિયોમાંથી બનાવેલો એક ફોટોગ્રાફ પણ તેમણે આ જાહેરાત સાથેની પોસ્ટમાં મુક્યો છે.જેમાં નેતા એક યુવતીની બાહોપાશમાં ભીસાયેલા નજરે પડે છે પણ તેમનો ચહેરો દેખાતો નથી.સાડા ચાર મિનિટના આ વીડિયો પૈકી એક મિનિટનો ભાગ તેમાં હશે અને આ વીડિયો 2017ની સાલમાં પાલનપુર સર્કિટ હાઉસમાં ઉતાર્યો હોવાનો વાત તેમણે કહી છે.આ વીડિયોની સત્યતાની ખરાઇ પણ તેમણે કરી હોવાનો દાવો કર્યો છે.આ જાહેરાત બાદ લોકોમાં ભારે ઉત્સુકતા જોવા મળી રહી છે અને રાજકારણ ગરમાયું છે.
